عصافير الجنه محمد ومنه
منتدي عضافير الجنه محمد ومنه
يرحب بكم ويتمنى لكم قضاء اوقات طيبة فى رحاب المنتدى


منتدي قانوني اسلامي شامل لكافة المعلومات التي يحتاجها الانسان
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 الفرق بين الولد والبنت في المواصلات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

عدد المساهمات : 9
تاريخ التسجيل : 13/07/2011

مُساهمةموضوع: الفرق بين الولد والبنت في المواصلات   الأربعاء يوليو 13, 2011 4:07 pm

قبل ما نبدأ كلامنا لازم علي النبي الزين نصلي
(( قولوا اللهم صلي وسلم وبارك علي سيدنا محمد ))

فى موضوع غريب اوى بيحصــل في الموصــلات .. يعنى تحس بجد إنها تفرقة عنصــرية ..أو تحس فعــلا بمعدن الشعب المصــري الاصــيل .. يعنى رقـته وطيبـته وجنتلته

مثـــلا في الميكروبـــاصْ

الاول :: وانت بتوقف الميكروبــاص
البنت .... تبص بصة إستعطـاف لأي بأف ( راكب يعني ) تلاقيه في مينيت قام نط بقا في ضهر السواق
أما الولد .... اترزع ف اي حتة ياعم خلينـا نخلص من المشـوار دا .. أو إتشعبط ياعم واخلص

ما عليــنا ركبــنا واتشعبطنـــا واتهزقنــا

تانى حاجة :: وانت بتركب .. كتير اوى ممكن راســك تخبط وانت داخل
البِــنت ... تلاقى كل الميكروباص في نفس واحد خير حصــلك حاجة .. والف سـَـلامة .. ومش بعيـــد واحد يقوم ينط في حركة واحدة يضرب السـَـواق ويقوله مش بالراحه شويه يا بهيم .
انما الولد .... إسمــع بقي الضحك والتريــقة ... والى يقـُـوله إيــه أتعميــتْ وإلى يقـُـوله ايه يا لطــخ شوف كنت باصص فيــن

اتهزقنـا وركبــنا

تيجي بقا وانت بتقفــلْ البــاب
تلاقى السواق بيقولك براحة ( علي اساس ان الباب هيتكسـر في ايدك ما هو فاكرك أرنولد )
البنت ... تلاقيها بتقفل الباب براحة وممكن ميتقفلش تلاقى الناس بتقول ياااه ع الرقة حتى الباب مش هاين عليها تقفله جَــأمد
الولد ... يـــاه بقـــا لو جيــت تقفل البــاب وانت ولد كدا والباب متقفلش .. قـَـــابل يا عـَــمْ ... إيــه ياعم النايـتى .. بطل أكــل بسكويـت يا عم .. إيــه يا حبيبى مشـربتش اللبــن النهارده ولا ايه

يــاه بقا لو البــاب اترزع
البـنت ... معلش معلش يا عســل هى تلاقيها متعصبة بس ربنـا يعينها ع الى هى فيــه
الولــد ... إيــه ياعم الطـُـوووور .. عرفنــا ياعم إنك فانداااام براحة شوية ياعم

يالهههههههههوى علي التليفـُـون لما يــرن وانت راكب
لو انتى بـنت .. يــاه ع الرقة حلوة النغـمة دى ... يااااه يا بخت الى بيكــلمها ... ولو الموبايل معــفن يــاه علي التواضــع
إنما الولـَـدْ بقــأ ... إيــه ياعم .. إلهى يجيلك ضربة انت والى بتكــلمه ... ما توطى ياعم الزفــت دا شوية هو انت الوحيد الى معاك موبايل ... ولو الموبايل معفـن بقــا يالهههههوى وكمـان شايل موبايل معفن زيك ... امــا لو كان بكـاميرا بقــا كنت عملت إيــه

طبــعا كل السواقيــن يموتو كدا ف الاغـانى الشعـبى ام صـوت عالى دى
البــنت ... أول ما البنت بتركب تلاقى القانون بيديها الحـَـق الكـَـاملْ ف إنها تقول وطى الصـوت يا اسطي .. أو إطفــى الكـاسيـتْ خاااااااالص ( قانون سـاكسـونيــا طبـعاً ) .. ويتنفذ القانون ويقولها حاضر .. انتي تأمري .. من عيني ... الخ
الولد
لو فكــر إنه يقول للسواق وطى الكاسـيت تلاقى السواق بص له بأرف كدا ويروح معـلى الصـُـوت أكتــرْ ويفضل يبرطم ويشـتم فيــك ... إيــه ياعم هتشتريــنا بأم النص جنيـه الى هتدفعه .

يـــاااااااااااه وصـــلت بقــا بالسـَـلامة بعد القهــر والتفرقة العنصـريةالى حصـَـلتْ دى
الولد
يا أسطىىىىىىىىىىى .. علي جنب يا برنس والنبــي .. يا نجـِــم .. انت يــاعم .. علي جنب ... طبــعا السواق ولا هو هنا ماهو مشغل الاغــانى بقـــي ومعلى الصـوت وينزلك بعد الشارع الى انت عَــاوزه يجى بشـارعين تلاتة تيجى تكــلمه يقوللك ما انت الى صـُـوتك واطى زي البـنات ياعم المسـَكرْ
البنـت بقــا
يدووووب بس توشوش نفســها وتقـُــول ع جنب
هتلاقى الاربعتــاشر نفــر في نفس واحد علي جنب يا أسطـى إيــه انت أطرشْ مش ســامع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alprns.forumegypt.net
theleader050



عدد المساهمات : 3
تاريخ التسجيل : 13/07/2011

مُساهمةموضوع: رد: الفرق بين الولد والبنت في المواصلات   الخميس يوليو 14, 2011 11:57 am

روعة والله يا ابو محمد تسلم يدك

همه الرجالة كده على طول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sheta



عدد المساهمات : 3
تاريخ التسجيل : 14/07/2011
العمر : 22
الموقع : مصر \ غربيه \ سمنود \ فى البيت

مُساهمةموضوع: رد: الفرق بين الولد والبنت في المواصلات   الإثنين يوليو 18, 2011 6:00 pm

تصدق الكلام ده بيحصل معى بى العكس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الفرق بين الولد والبنت في المواصلات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عصافير الجنه محمد ومنه :: استراحة المنتدي :: نكت-
انتقل الى: